Duniya ke leke dukh saare,
Sansaar se aankh churata hai;
Door darakht ke saaye mein,
Ek akela rota hai aur siskiyaan leta hai.
Gareeb bachche ki bhook dekh ke, daulat ka dil kabhi rota hai?
Door darakht ke saaye mein,
Ek akela rota hai.
Abaadi ki peedit aah sunke bhi zamir chadar taan ke sota hai;
Door darakht ke saaye mein,
Ek akela rota hai.
Tinke ke gharondon mein saanp ko, bachpan nigalte dekha hai;
Door darakht ke saaye mein,
Ek akela rota hai.
Dariya ki ufanti lehron mein, sarovar jab laal nikalta hai;
Door darakht ke saaye mein,
Ek akela rota hai.
Taakat ki bhookh mein jurm kare aur bhagwan ke peeche chipta hai,
Door darakht ke saaye mein,
Ek akela rota hai.
Chahoon or failee daineeya dasha mein har koi andha ban ke rehta hai;
Door darakht ke saaye mein,
Ek akela rota hai.
Insaani basti ko jalaate tadpaate, haivaniyat ko maine dekha hai;
Door darakht ke saaye mein,
Ek akela rota hai.
Daulat shohrat ke is mele mein, bass do pal ka ye khela hai;
Door darakht ke saaye mein,
Ek akela rota hai aur siskiyaan leta hai.
