BEWAFA HUMSAFAR (Let's get INSPIRED from Ghalib!)

Chaha tha humne ki humsafar koi saath har kadam chale;

Tanhaaiyaan roshan kare jo, saath usi ke dum nikale.


Humraaz humaare bewafa aur khushiyon ke badle gham nikle;
Humne ki koi zyadati, ya fir humaare sanam hi kaafir nikle?


Zindagi ne kuch li karvat aur silvaton se mausam badle;
Jung bhi cheddi jo humne to humnafas hi dushman nikle.


Hum sochte hain kya karein jab jeetne ke zakhm milein;
Marham bane koi ehsaas jo khushi se aankhein nam kare.


Jinse hui mohabbat kis kadar usee pe waar bereham karein?
Ab talak adhoori si chaahat hai ki koi saath kuch kadam chale...